кеме авиациясы

(Корабельная авиация)

әскери-теңіз флоты авиациясының (әскери-теңіз күшінің) кемелерінде және қосымша кемелерде орналасатын ұшақтар мен тікұшақтар. К.а-ның негізгі бөлігін ұшуға арналған палубасы бар кемелерде орналасқан авиациялар (мыс., авианосецтер, қайыққа қарсы крейсерлер) құрайды, олар авианосецті немесе палубалық авиация деп аталады. К.а-ның басқа бөлімдерінің құрамына ұшуға немесе қонуға арналған палубасы жоқ кемелерден ұшуға бейімделген немесе солай арнайы жасалған ұшақтар мен тікұшақтардың әр түрлі типтері кіреді. К.а-ның құрамында тік ұшатын және қонатын ұшақтар немесе ұшу мен қонуда қашықтығы мен екпіні қысқартылған ұшақтар пайдаланыла алады. К.а. әдетте, жағада орналасқан авиация жете алмайтын теңіздің (мұхиттың) алыс аудандарында қолданылады. К.а-ның негізгі міндет-тері — қарсыластың теңіздегі су үстіндегі кемелері мен су асты қайықтарын (сүңгуір) іздеу және жою, өз кемелерін әуе шабуылынан және сүңгуір қайықтардан қорғау, әуе десанттарын (тікұшақтардан) түсіру, десанттарды түсіргенде және олар жағада әрекет еткенде әскерлерді, оның ішінде теңіз жаяу әскерін қолдау, теңізде барлау жүргізу, мина-ларды тралдау (сүзіп алу), теңіздегі адамдарды іздеу және құтқару және т.б.